الشــآعـرٍ. ح‘ـمـد.السعـيـد. ( دخيـل العـيـوٍن)

دخيل الغلا إلي راح والي وقف مرتاب **** بسميه عشق وأنت مدري وش تسميه

ودخيل العيون إلي عليها الحلا جذاب **** تشوف الولع فيه ولا تدري وش تاليه

ودخيل المكان إلي جمعنا ولأهو إعجاب **** إذا لي معزه طاري البعد لا تطريه

لو تشوف وضعي عندما تلتقي الأهداب **** لك الله لو لك نيه بالجفا تلغيه

أنا وأنت غايب كن بوسط العيون ترآب **** تنام الخلايق ولا أنا النوم مالي فيه

ذبحني غلاك الي سرى مثل سم الداب **** طفح في العروق وكل ما وافقه ينهيه

بقى قلبي إلي ماذبحته وهو منصاب **** أنا أدري تبي تستوطنه وتبي تخليه

سكنته وهو عمره قفل بوجهك الباب **** أنا أعرف قلبي لا عشق مايرحم وآليه

يجي كله من أقصاه ويحب بإستغرآب **** ووفى فيه ماهو مع بشر ليتك تدآريه

دخيل الجمال إلي تلافت له الأرقاب **** وأنا إلي لفتني زينك وجيتك مباريه

تمعنت فيك وجيت هايب وأنا ما أهـاب **** ولا اقفيت عنك إلأ وانا ها الغلا معطيه

عليك العيون إلي لهن فعل غزو عقاب **** ضعيفات خلقٍ لاكن ياويل من تنويه

ولك نور وجه كن لك في النجوم انساب **** وليلٍ عجزٍ من طوله الكف لا يسريه

ولك مبسمٍ ماكنه إلا شفق الغياب **** حّمارٍ من الله جمر من ولعه ناسيه

عبث وأنت مقبل تستفز وتثير أعصاب **** تبي تلفت الأنظار مناك إلا هنيه

دخيلك على بعضك ولاهي بدعوه عتاب **** تعيد النظر في البعد من قبل لا تبديه

وأنا أموت فيك أوصال وأموت فيك غياب **** وهي موته وحده مع فارق التشبيه

ومن قال مآبه موت بالحب قل كذاب **** جميل وبثينه ماذبحهم مرض ياهيه

أحبك إيه أحبك ومن حبك خسرت اغلب الأصحاب **** إذا عاتبوني فيك وعتابهم مابيه

أحبك ولا تسأل حبيبي عن الأسباب **** أنا لو أعرف أسباب حبك قدرت انهيه

ألا يامعرض رجل مغليك للمرقاب **** أثر بالطوال تفرج الهم ياراعيه

أنا بسألك هو صحيح الهوى غلاب .؟ **** أنا بنصح إلي مثل شرواي لا يمشيه

ومن لايحسب بالهوى للفراق حساب **** لك الله ماغنى سلامه يبي يغنيه

مثل هل دمعي وانت رايح وطرق حجاب **** ومثل مارمى عبدالحليم الزهر يرميه

وإذا فيه بكتاب النحو للفراق إعراب **** فهو فعل مطرق بالبشر والجفا ماضيه

ألا ليت ربي ماخلق في الغرام غياب **** وإذا في فرقه طاري الحب لانطريه